Deildarstjóri óskast í Kvíslarskóla

Kvíslarskóli leitar að öflugum deildarstjóra.

 Kvíslarskóli í Mosfellsbæ leitar að öflugum deildarstjóra í stjórnendateymi sitt.

Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum?  Má bjóða þér að taka þátt í metnaðarfullu skólastarfi Kvíslarskóla í Mosfellsbæ. Kvíslarskóli er unglingaskóli með 7.-10. bekk sem vinnur í anda uppbyggingarstefnunnar.  Um er að ræða 100% stöðu. Ráðið verður í stöðuna frá 1. ágúst 2022.   

Deildarstjóri er hluti af stjórnunarteymi skólans. Hann tekur þátt í faglegum ákvörðunum og skipulagi innra starfs skólans. Hann tekur þátt í stefnumótun, gerð skólanámskrár og þróun áætlana, ásamt innra mati. Hann tekur á agamálum og fylgist með líðan nemenda og skólasókn í samvinnu við kennara og foreldra. Deildastjóri situr í nemendaráði og forvarnateymum skólans.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.