Kennari í Varmárskóla
Varmárskóli í Mosfellsbæ óskar eftir kennara 60-100% starfshlutfall við útikennslu í 4.-6.bekk
Í skólanum eru um 410 nemendur í 1.-6. bekk. Skólinn er Uppbyggingarskóli, tekur þátt í Grænfánaverkefninu og verið er að hefja innleiðingu á Leiðsagnarnámi. Útikennari í Varmárskóla vinnur með tilteknum árgöngum og aðlagar verkefni þeirra þannig að þau henti til útivinnu. Unnið er úti alla daga skólaársins. Starfsmannahópurinn er öflugur og samvinna og samhjálp eru einkennandi fyrir samskipti innan hópsins. Okkur vantar kennara sem er tilbúinn til að takast á við fjölbreytt verkefni, vera úti í öllum veðrum og verða partur af þessum góða samstarfshópi. Mögulegt starfshlutfall er á bilinu 60-100%.
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.