Sérkennari í Varmárskóla
Í Varmárskóla eru um 410 nemendur í 1.-6. bekk. Skólinn er Uppbyggingarskóli, tekur þátt í Grænfánaverkefninu og verið er að hefja innleiðingu á Leiðsagnarnámi. Sérkennarar í Varmárskóla vinna með tilteknum árgöngum, bæði með litla hópa og í einstaklingsvinnu. Við leggjum áherslu á að nemendur séu sem mest í hópum með jafnöldrum sínum og fái til þess viðeigandi stuðning. Starfsmannahópurinn er öflugur og samvinna og samhjálp eru einkennandi fyrir samskipti innan hópsins. Okkur vantar kennara sem er tilbúinn til að takast á við þau fjölbreyttu verkefni sem sérkennsla felur í sér og verða partur af þessum góða samstarfshópi. Mögulegt starfshlutfall er á bilinu 60-100%.
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.