Starfsmaður óskast á Áfangaheimili
Hlutastarf á áfangaheimili
Áfangaheimilið Krókur leitar eftir öflugu og framsæknu starfsfólki í hlutastarf í vetur.
Áfangaheimilið Krókur þjónustar einstaklinga sem eiga við geðræna erfiðleika að stríða. Veitt er fjölbreytt þjónusta bæði innan og utan þess allan sólarhringinn.
Starfsmenn veita íbúum aðstoð við daglegar athafnir, félagslega virkni og hjálp til sjálfshjálpar. Við veitum íbúum einstaklingsmiðaða þjónustu og leggjum okkur fram við að auka víðsýni þeirra með félagslegri virkni.
Starfsfólk vinnur eftir hugmyndafræði um sjálfstætt líf, batamiðaðri nálgun og þjónandi leiðsögn. Við störfum samkvæmt lögum um þjónustu við fatlað fólk nr. 38/2018.
Gengið er út frá því að starfsmenn vinni á fjölbreyttum vöktum (dag-, kvöld- og næturvöktum). Um hlutastarf er að ræða.
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.