Bókasafn Mosfellsbæjar þjónustar einstaklinga og stofnanir í Mosfellsbæ og stendur fyrir fjölbreyttum menningarviðburðum. Listasalur Mosfellsbæjar er staðsettur inn af Bókasafni Mosfellsbæjar. Á hverju ári eru settar upp um tíu sýningar í salnum. Einnig er salurinn nýttur fyrir ýmsa viðburði eins og tónleika, fyrirlestra og fundi.

Listasalur Mosfellsbæjar hefur það að leiðarljósi að vera virkur samkomustaður fyrir Mosfellinga og aðra gesti, bjóða upp á fjölbreyttar sýningar listamanna og vinna þannig að framþróun myndlistar á Íslandi.

Helstu verkefni og ábyrgð

Umsjónarmaður listasalar heldur utan um sýningarhald í Listasal Mosfellsbæjar. Í því felst m.a. gerð og dreifing kynningarefnis listasalar, samskipti við listamenn og samskipti við fjölmiðla vegna sýninga í listasal.

Menntunar- og hæfniskröfur

Háskólamenntun sem nýtist í starfi.

Reynsla af sýningarstjórn og kynningarmálum.

Frumkvæði, sjálfstæði og faglegur metnaður.

Góð samskiptafærni, jákvæðni og sveigjanleiki.

Góð almenn tölvukunnátta. Kunnátta í helstu hönnunarforritum, s.s. Photoshop, Indesign og Illustrator.

Góð íslenskukunnátta.

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veitir Auður Halldórsdóttir, forstöðumaður Bókasafns Mosfellsbæjar í síma 566 6822.
Um 50% stöðu er að ræða og ráðið er til eins árs. Öllum umsóknum verður svarað.

Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Mosfellsbær leggur áherslu á jafnrétti og hvetur öll áhugasöm til að sækja um starfið.

Vissir þú?

Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi.

Mannauðsstefnan byggir á fjórum gildum Mosfellsbæjar virðingu, jákvæðni, framsækni og umhyggju sem eru leiðarljós starfsfólks í daglegu starfi.

Um Mosfellsbæ

Heimasíðan

Mannauðsstefnan

Persónuvernd