Mosfellsbær óskar eftir að ráða öflugan, framsýnan og lausnamiðaðan einstakling til að leiða þróun og innleiðingu frekari breytinga á stuðningsþjónustu barna í sveitarfélaginu í takt við aðgerðaráætlunina Börnin okkar. Viðkomandi mun einnig veita skammtímadvöl fyrir fötluð börn og ungmenni og frístundaklúbbnum Úlfinum forstöðu.

Um er að ræða nýtt, spennandi og krefjandi starf þar sem þjónusta er veitt til barna á grundvelli laga um þjónustu við fatlað fólk með langvarandi stuðningsþarfir sem og laga um félagsþjónustu sveitarfélaga.

Forstöðumaður ber ábyrgð á daglegum rekstri, starfsmannahaldi, innra skipulagi, áætlanagerð og faglegu starfi í samstarfi við faglegt teymi staðanna.

Forstöðumaður verður hluti af öflugu teymi forstöðumanna á velferðarsviði. Um er að ræða umfangsmikið og áhugavert starf í skemmtilegu starfsumhverfi.

Ráðið er í starfið frá 1. apríl.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsfólks í daglegu starfi.

Umsóknarfrestur er til og með 16. febrúar 2025 - athugið framlengdan umsóknarfrest.

Umsóknir skulu innihalda starfsferilskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veitir Sigurbjörg Fjölnisdóttir, sviðsstjóri velferðarsviðs, [email protected].

Laun eru samkvæmt kjarasamningi Sambands ísl. sveitarfélaga og viðkomandi stéttarfélags.

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni. Öllum umsóknum verður svarað.

Vissir þú?

Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi.

Mannauðsstefnan byggir á fjórum gildum Mosfellsbæjar virðingu, jákvæðni, framsækni og umhyggju sem eru leiðarljós starfsfólks í daglegu starfi.

Um Mosfellsbæ

Heimasíðan

Mannauðsstefnan

Persónuvernd