Mosfellsbær leitar eftir öflugum og framsæknum forstöðumanni til að stýra starfi áfangaheimilis. Forstöðumaður starfar að verkefnum er krefjast sérþekkingar samkvæmt lögum um málefni fatlaðs fólks nr. 38/2018 og samkvæmt stefnu Mosfellsbæjar í málaflokknum og kröfulýsingu heimilisins.

Áfangaheimilið veitir íbúum sem og einstaklingum utan þess einstaklingsmiðaða þjónustu og leggur áherslu á að auka víðsýni þeirra með félagslegri virkni. Starfsmenn vinna eftir hugmyndafræði þjónandi leiðsagnar, batamiðaðrar nálgunar sem og þjónustu- og starfsáætlunum.

Forstöðumaður leggur sig fram við að skapa öfluga liðsheild sem stuðlar að samræmdum einstaklingsmiðuðum vinnubrögðum til hagsbóta fyrir þá sem njóta þjónustunnar.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Helstu verkefni og ábyrgð

Skipuleggja faglegt starf

Stýra innra starfi og bera ábyrgð á þeirri þjónustu sem íbúar fá

Halda utan um starfsmannamál heimilisins og vaktaskýrslugerð

Launavinnsla

Rekstraráætlunargerð og utanumhald um rekstur

Bera ábyrgð á að starfsmenn vinni eftir hugmyndafræði Mosfellsbæjar í málaflokknum, stuðli að valdeflingu íbúa og veiti þeim góða þjónustu í samræmi við þau lög, reglur og alþjóðlegar skuldbindingar sem um starfsemina gilda og kröfulýsing heimilisins segir til um.

Menntunar- og hæfniskröfur

Háskólapróf sem nýtist í starfi er skilyrði

Reynsla af og metnaður fyrir starfi með geðfötluðu fólki er skilyrði

Farsæl reynsla af stjórnun og starfsmannahaldi er skilyrði

Góðir skipulags- og stjórnunarhæfileikar eru skilyrði

Þekking á hugmyndafræði þjónandi leiðsagnar og batamiðaðrar nálgunar er kostur

Frumkvæði, sjálfstæði og nákvæmni í vinnubrögðum er skilyrði

Mikil hæfni í samskiptum og leiðtogahæfileikar er skilyrði

Góð íslenskukunnátta er skilyrði

Umsóknarfrestur er til og með 2. apríl 2023.

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veitir Kristbjörg Hjaltadóttir, stjórnandi félagsþjónustu, í síma 525 6700. Um framtíðarstarf er að ræða. Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Ráðið er í öll störf óháð kyni.

Vissir þú?

Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi.

Mannauðsstefnan byggir á fjórum gildum Mosfellsbæjar virðingu, jákvæðni, framsækni og umhyggju sem eru leiðarljós starfsfólks í daglegu starfi.

Um Mosfellsbæ

Heimasíðan

Mannauðsstefnan

Persónuvernd