Frístundaleiðbeinandi í Lágafellsskóla

Lágafellsskóli óskar eftir frístundaleiðbeinendum í vetrarfrístund og sumarfrístund

Má bjóða þér að taka þátt í metnaðarfullu skólastarfi? Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum?

Lágafellsskóli í Mosfellsbæ er grunnskóli sem vinnur í anda uppbyggingarstefnunnar.

Frístundaleiðbeinendur taka þátt í skipulagningu faglegs frístundastarfs og leiðbeina börnum í leik og starfi í samvinnu við samstarfsfólk.
Um hlutastörf er að ræða en möguleiki er á fullu starfi og tengja starfið við starf stuðningsfulltrúa skólans. Vetrarfrístund er frá 24.ágúst - 5.júní og er vinnutími frá kl. 13:00 – 16:30. Sumarfrístund tekur síðan við og er tímabilið 7.- 24.júní og 6.ágúst til 22.ágúst.  Vinnutíminn í sumarfrístund er frá 8:00 - 16:00. 

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.