Lágafellsskóli óskar eftir stuðningsfulltrúum

Lágafellsskóli leitar að stuðningsfulltrúum til að slást í hóp öflugra starfsmanna skólaárið 2024-2025.  Ráðið er í störfin frá 22.ágúst 2024.

Má bjóða þér að taka þátt í metnaðarfullu skólastarfi? Viltu vera hluti af góðum  starfsmannahópi sem vinnur saman að því að mæta ólíkum einstaklingum í krefjandi verkefnum?

Lágafellsskóli í Mosfellsbæ er heildstæður grunnskóli sem vinnur í anda uppbyggingarstefnunnar.

Stuðningsfulltrúar aðstoða nemendur í leik og starfi og sinna gæslu nemenda í matsal og á skólalóð. Starfið miðar fyrst og fremst að því að auka færni og sjálfstæði nemanda, félagslega, námslega og í daglegum athöfnum.

Um hlutastörf er að ræða en möguleiki á fullu starfi í samstarfi við Frístund Lágafellsskóla.
Vinnutími stuðningsfulltrúa er almennt frá kl. 08:00 - 13:20/14:45. 

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.