Lágafellsskóli - Þroskaþjálfi
Lágafellsskóli leitar að þroskaþjálfa til starfa
Má bjóða þér að taka þátt í metnaðarfullu skólastarfi? Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum?
Lágafellsskóli í Mosfellsbæ er samrekinn leik- og grunnskóli sem vinnur í anda uppbyggingarstefnunnar. Starfsemi skólans fer fram í tveimur byggingum þar sem leikskóladeildir þriggja til fimm ára barna eru staðsettar í útibúi skólans Höfðabergi, en 1.-10. bekkur í aðalbyggingu.
Þroskaþjálfi vinnur með kennurum og öðrum samstarfsaðilum að námi og þroska nemenda sem þurfa á auknum stuðningi að halda. Hann annast þroska- og atferlisþjálfun nemenda og veitir ráðgjöf og leiðsögn til samstarfsaðila.
Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.