Starfsfólk óskast í Leirvogstunguskóla

Leirvogstunguskóli leitar að leikskólakennara eða uppeldismenntuðum einstakling til starfa.  

Það eru forréttindi að vinna í leikskóla, viltu koma og vera með ? 

Í Leirvogstunguskóla eru núna um 112 börn á 6 deildum. Í skólanum er unnið framsækið og öflugt skólastarf þar sem kærleikurinn og gleðin er höfð að leiðarljósi. Unnið er markvisst eftir kennsluaðferðinni Leikur að læra sem gengur út á að kenna börnum hljóð, stafi, stærðfræði, form og liti í gegnum söngva, leiki og hreyfingu.

Leitað er eftir kennurum, uppeldismenntuðum einstakling og/eða öðrum með reynslu til starfa. Um 100% starfshlutfall er að ræða. 

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.