Starfsmaður í búsetukjarna

Viltu vera með í að skapa fötluðu fólki tækifæri til að lifa til fulls?

Við í Norðurhlíð í Mosfellsbæ leitum eftir öflugum og framsæknum starfsmönnum til liðs við okkur. Við veitum íbúum einstaklingsmiðaða þjónustu og leggjum okkur fram um að auka víðsýni þeirra með félagslegri virkni. Starfsmenn vinna eftir hugmyndafræði Þjónandi leiðsagnar sem og þjónustu - og starfsáætlunum. Einnig leggjum við mikið upp úr góðri liðsheild og samvinnu á staðnum. Við störfum skv. lögum um fatlað fólk með langvarandi stuðningsþarfir nr. 38/2018 og skv stefnu Mosfellsbæjar í málaflokknum. Í boði er 30 - 50% vaktavinna þar sem unnin er önnur hvor helgi á morgun og kvöldvöktum.

Mosfellsbær er öflugt og eftirsótt sveitafélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.