Sumarstarfsmaður í búsetukjarna

Við í búsetukjarnanum í Klapparhlíð leitum eftir sumarstarfsfólki til liðs við okkur í sumar.

Við vinnum eftir hugmyndafræðinni þjónandi leiðsögn sem og einstklings og þjónustuáætlunum. Við leggjum okkur fram við að skapa góða liðsheild á vinnustaðnum.

Við störfum samkvæmt lögum um þjónustu við fatlað fólk með langvarandi stuðningsþarfir nr.38/2018 og samkvæmt stefnu Mosfellsbæjar í málaflokknum.

Um sumarstarf er að ræða og óskum við eftir starfsfólki í 25 til 90% starfshlutfall. Gengið er út frá því að starfsfólk geti unnið dag, kvöld, helgar og/eða næturvaktir. 

Mosfellsbær er öflugt og eftirsótt sveitafélag þar sem gildin virðing, jálvæðni, framsækni og umhyggja eru leiðarljós starfsfólks í daglegu starfi.