Þroskaþjálfi/leikskólasérkennari

Má bjóða þér að taka þátt í metnaðarfullu skólastarfi?

Leikskólinn Höfðaberg óskar eftir að ráða þroskaþjálfa/leikskólasérkennara til starfa.

Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í skemmtilegum verkefnum? Starfshlutfall getur verið á bilinu 80-100% og um framtíðarstarf er að ræða. Gott væri að viðkomandi gæti hafið störf sem fyrst.

Um er að ræða starf í snemmtækri íhlutun barna. Viðkomandi mun fá stundaskrá til að fylgja og er því ekki með fasta viðveru á einni deild né með ákveðnu barni, heldur fer á milli deilda og sinnir börnum sem á þurfa að halda.
Verkefnin eru margþætt, til að mynda málörvun, félagsfærniþjálfun, sjálfsefling og leikþjálfun.
Um er að ræða skemmtilegt starf og fjölbreytt verkefni.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.