Vilt þú leiða nýjan búsetukjarna í Mosfellsbæ

Mosfellsbær leitar öflugum og framsæknum forstöðumanni til að leiða starf í nýjum og spennandi búsetukjarna þar sem fimm fatlaðir íbúar munu í haust flytja í nýtt og stórglæsilegt hús í Helgafellshverfinu.

Forstöðumaður mun taka þátt í og leiða uppbyggingu á kjarnanum, þar á meðal ráðningar starfsfólks og þjálfun þess, skipulagningu teymisvinnu, vaktaskýrslugerð og samskipti við væntanlega íbúa og aðstandendur.

Forstöðumaður vinnur eftir lögum og reglugerðum í þjónustu við fatlað fólk sem eiga við og stefnu Mosfellsbæjar í málaflokknum og tryggir að allt starfsfólk vinni eftir sömu fyrirmælum.
Kjarninn veitir íbúum einstaklingsmiðaða þjónustu og leggur áherslu á að auka víðsýni þeirra með félagslegri virkni. Starfsmenn vinna eftir hugmyndafræði þjónandi leiðsagnar sem og þjónustu- og starfsáætlunum. 
Forstöðumaður leggur sig fram við að skapa öfluga liðsheild sem stuðlar að samræmdum einstaklingsmiðuðum vinnubrögðum til aukinngar velferðar fyrir íbúana.

Gert er ráð fyrir að starfsemi hefjist í lok sumars og forstöðumaður taki til starfa um miðjan ágúst.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsfólks í daglegu lífi.