Starfsmaður á Heimili fyrir börn

Viltu vera með?

Við á Heimili fyrir börn í Mosfellsbæ leitum eftir öflugu og framsæknu starfsfólki til liðs við okkur. Við veitum börnum með flókinn og fjölþættan vanda einstaklingsmiðaða þjónustu með það að markmiði að veita börnunum góða líðan og auka félagslega þátttöku. Starfsfólk vinnur eftir hugmyndafræði Þjónandi leiðsagnar sem og þjónustu - og starfsáætlunum.  Einnig leggjum við mikið upp úr góðri liðsheild og samvinnu á staðnum.

Í boði eru störf í 20-30% starfshlutfalli. Gengið er út frá því að starfsfólk vinni á fjölbreyttum vöktum (dag-, kvöld-, helgar- og næturvöktum). Um er að ræða tímabundin störf með möguleika á framlengingu.

Við störfum skv. lögum um fatlað fólk með langvarandi stuðningsþarfir nr. 38/2018 og skv. stefnu Mosfellsbæjar í málaflokknum.

Mosfellsbær er öflugt og eftirsótt sveitafélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.  

Umsóknafrestur er til og með 9. desember. Umsóknir skulu innihalda starfsferilskrá sem greinir frá reynslu, menntun og fyrri störfum ásamt nokkrum orðum af hverju þú telur þig hæfa/n í starfið.