Sumarstarf í búsetukjarna

VILTU VERA MEÐ Í AÐ SKAPA FÖTLUÐU FÓLKI TÆKIFÆRI TIL AÐ LIFA TIL FULLS?
 
Við í Þverholti í Mosfellsbæ leitum eftir öflugum og framsæknum starfsmönnum til að fá til liðs við okkur. Við veitum íbúum einstaklingsmiða þjónustu og leggjum okkur fram við að auka víðsýni þeirra með félagslegri virkni. Starfsmenn vinna eftir hugmyndafræði Þjónandi leiðsagnar sem og þjónustu- og starfsáætlunum. Svo leggjum við okkur fram við að skapa góða liðsheild. Við störfum samkvæmt lögum um þjónustu við fatlað fólk með langvarandi stuðningsþarfir nr. 38/2018 og samkvæmt stefnu Mosfellsbæjar í málaflokknum. Um 50%-100% starfshlutfall er í boði (til viðmiðunar) og gengið er út frá því að starfsmaður vinni aðra hverja helgi - starfsmenn vinna á fjölbreyttum vöktum. 
 
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.