Við leitum að fjölhæfum starfsmanni til að leiða stafræna upplýsingamiðlun hjá skipulagi Mosfellsbæjar sem hefur áhuga á að starfa hjá sveitarfélagi í örum vexti.

Starf verkefnastjóra landupplýsinga og miðlunar er á umhverfissviði Mosfellsbæjar og tilheyrir skipulagsteymi sveitarfélagsins.

Helstu verkefni og ábyrgð

Ábyrgð á kortavefsjá og þróun hennar

Ábyrgð á yfirferð mæli-, hæðar- og lóðarblaða lóða

Ábyrgð á stofnun nýrra lóða og skráningum

Ábyrgð á gerð lóðaleigusamningum sveitarfélagsins

Menntunar- og hæfniskröfur

Háskólamenntun sem nýtist í starfi, framhaldmenntun kostur

Þekking og reynsla á teikniforritum s.s. MicroStation, AutoCad eða GIS

Þekking á hnitum, hnitsetningu landamerkja og uppmælingu lands og lóða

Þekking á helstu forritunarmálum er kostur

Gott vald á upplýsingatækni og framsetningu gagna

Þekking á verkefnastjórnun og teymisvinnu

Góðir skipulagshæfileikar, nákvæmni og samviskusemi

Góð samskiptahæfni og þjónustumiðuð hugsun

Jákvæðni og lausnarmiðuð hugsun

Frumkvæði og sjálfstæði í vinnubrögðum

Góð hæfni til að tjá sig í rituðu og töluðu máli, bæði á íslensku og ensku

Umsóknir skulu innihalda starfsferilsskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfinu. Umsóknarfrestur er til og með 30. ágúst 2023.

Laun eru samkvæmt samningi Sambands íslenskra sveitarfélaga og viðkomandi stéttarfélaga.
Um er að ræða framtíðarstarf í 100% starfshlutfalli.

Nánari upplýsingar veitir Katrín Dóra Þorsteinsdóttir verkefnastjóri á umhverfissviði ([email protected]).

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.

Vissir þú?

Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi.

Mannauðsstefnan byggir á fjórum gildum Mosfellsbæjar virðingu, jákvæðni, framsækni og umhyggju sem eru leiðarljós starfsfólks í daglegu starfi.

Um Mosfellsbæ

Heimasíðan

Mannauðsstefnan

Persónuvernd